Allt í lagi, ég er ekkert svo dugleg við að blogga. En ég reyni nú samt

Ef einhvern vantar vinnu þá vantar starfskraft í Dogma, endilega sækið um!

En það hefur ýmislegt á daga mína drifið upp á síðkastið, búin að fara tvisvar í bíó (annað eins hefur ekki gerst í áraraðir) á Deuce Bigalow og Súkkulaðiverksmiðjuna, báðar mjög fyndnar og skemmtilegar. Súkkulðiverksmiðjan er alveg ótrúlega flott mynd, rosalegar sviðsmyndir alltaf og fullt af sniðugum hlutum, Tim Burton alveg að fara á kostum.

Það er búið að vera brjálað að gera í vinnunni. Nei, reyndar ekki en það er í góðu lagi, hef það gott með dagblöðin mín og bækurnar. Ef ég væri í skóla þá væri ég alltaf að læra í vinnunni. Ætla að taka með mér spænskubækurnar mínar á næstunni, rifja þetta aðeins betur upp.

Minna en þrír mánuðir þangað til ég og Sigga Eva verðum í Suður Ameríku! Nánar tiltekið að koma í land eftir Galapagos-eyja ferðina okkar. Ætli þessi bloggsíða verði ekki okkar helsti miðill þarna úti þar sem hún Sigríður blessunin hefur ekki enn komið upp einni svona bloggsíðu. Við bíðum öll spennt. Mjög svo. En hún hefur afsökun núna, með sitt ofurþrútna andlit, greyið... Eða hvað, núna er fullkominn tími til að byrja að blogga, jahá!

Hvað um það. Mig er búið að dreyma svakalega skrýtna (en skemmtilega) drauma síðastliðna daga, ég rugla fólki saman og alles. T.d. dreymir mig að Auður sé Auður í persónu en samt Lilja í útliti (reyndar ekki akkúrat þær en þið fattið). Síðan dreymdi mig um daginn að ég væri með lausan hárlokk, skipti mig samt engu máli í draumnum.

Ég er búin að fara einu sinni í bólusetningu fyrir ferðina, það var ekkert vont. Svaka hetja, ég veit. En þetta var svona ,,just a little prick" eins og Dr. Evil sagði eitt sinn. Þarf að fara aftur 6. október og svo bara þegar ég kem heim úr ferðinni held ég. Spyr betur um þetta næst, kannski betra. Það kom einmitt í ljós að ég þarf ekki að fara í allar þær sprautur sem ég hélt, vúhú! En Sigga segist samt þurfa að fara í þær, kannski ég spyrji um það líka...

Hef verið ofboðslega dugleg á djamminu nýlega. Laugardagurinn 3. september er að vísu frekar þokukenndur, ahemm, en ég skemmti mér samt sem áður konunglega og tók slatta af myndum. Þær fara fæstar á myndasíðuna mína, af ýmsum ástæðum... Síðasta laugardag var svo lokadjammið hennar Ingu. Eftir dekur í Abaco (potturinn, nudd og jarðarber með súkkulaði, mmm...) fórum ég, Lilja, Hildur, Sigga, Inga og Guðrún fórum út að borða á Götugrillinu. Góður matur þar og eftir það fórum við heim og ég gerði svaka góða bollu eins og úti á Spáni (manstu Hildí?) og klukkan tíu hélt stóðið ásamt Auði, Helgu og Gyðu niður á Dáta þar sem biðu okkar tveir kútar og skemmtilegt fólk. Mjög skemmtilegt kvöld, að vísu varð mín ekkert drukkin þrátt fyrir að hafa reynt, en ég tók hins vegar fullt af myndum og þær fara nú flestar á netið. En það fær enginn að sjá pottamyndirnar, rólegar stelpur

Í gær og á síðasta miðvikudag var stelpukvöld hjá okkur Lilju og Auði, Inga var svo með í gær. Elduðum Enchiladas og horfðum á America's next top model (ömurlega langt nafn á þætti!) og lágum síðan á meltunni í smátíma. Úff, hvað ég var södd...

Laugardaginn 3. september var ég að vinna á Bellunni með Auði o.fl. og hver haldiði að hafi komið út að borða? Jú, enginn annar en leikhússtjórinn sjálfur með bróður sínum! Ohh, hann er svo myndarlegur... Enda var pínu keppni í gangi hjá mér og Auði um að þjóna honum, því miður sat hann í Auðar sal En það var allt í lagi vegna þess að ég skemmti mér barasta vel við að þjóna Sóleyju, Kalla, Pétri og Tobba (allt sem hann segir er lygi, hann var á lyfjum!) sem komu öll út að borða og voru miklu skemmtilegri en leikhússtjórinn... Ekkert bitur...

Og gleðifréttir... O.C. er byrjað aftur! Þvílík gleði og ánægja, ég ligg framvegis við sjónvarpið á mánudögum. Sem minnir mig á það, af hverju er svona góð dagskrá á mánudögum? Furðulegt.

Hver verður síðan númer 10.000 að skoða síðuna mína, ha??

Er að setja fleiri myndir inn á myndasíðuna, fylgist með

Jæja, nenni þessu ekki lengur, man ekki meira sem ég ætlaði að skrifa um.

Hasta pronto... o luego

Alveg hreint ótrúlegt hvað ég er dugleg að blogga þessa dagana, sjáum til hversu lengi það endist...

Hef verið svaka klár í að leysa Su Doku talnaþrautirnar í Blaðinu, svona þegar mér leiðist í vinnunni, og leysti þraut dagsins á einungis klukkutíma. Þær eru sko alveg pínu erfiðar. Í Blaðinu um daginn var tilkynning um að snyrtiskóli einn (var nafngreindur) væri ekki alvöru skóli, þ.e. að nemendur fengju ekki starfsréttindi og eitthvað í þeim dúr. Nokkrum blaðsíðum aftar var svo heilsíðuauglýsing frá þessum sama skóla. Úps... Annars er þetta agalega þunnt blað, fín dægrastytting í svona tvær mínútur fyrir utan klukkutímann sem fer í þrautina.

Í nótt dreymdi mig svo að nöglin mín á baugfingri hægra megin brotnaði. Man ekki meira úr þeim draumi.

Djamm á morgun! Flindabyllerí er á dagskrá. Líka um næstu helgi og þá alla helgina!

Það fær enginnnjólagjafir frá mér, ef svo verður þá verða þær mjög svo óvæntar, vegna þess að S-Ameríkuferðina, tjah, kostar pínu pening sko. Lofa samt að senda jólakort og póstkort frá heitu löndunum

Ef einhver horfði á House þáttinn á Skjá einum í gær (já, ég hafði ekkert að gera) þá hafa kannski fleiri en ég tekið eftir leikara sem kemur kunnuglega fyrir sjónir. Þar var nefnilega á ferð Jesse e-ð (man ekki eftirnafnið) sem lék Billy, son Susan og Karl, í Nágrönnum! Jú, gott fólk, þetta var sko hann. Ég get svo svarið það. Strákurinn bara vaxinn úr grasi og orðinn læknir, ætli Susan og Karl viti af þessu? Maður spyr sig...

Á sunnudaginn er fjölskylduhittingur á Kljáströnd en ég kemst líklega ekki þar sem ég verð að vinna í Dogma. Leiðinlegt að missa af því, Kljástrandarferðir eru alltaf skemmtilegar

Það er einn dregnru í OgVodafone ægilega pirrandi, fer svo í taugarnar á mér að það er ekki fyndið. Hann pirrar fólk með því að reyna að fá það til að ganga í þetta Vodafone samfélag. Ég er sátt við að einn gaurinn þarna lagaði símann minn en því miður þá vil ég ekki skipta. Og þessi leiðinlegi gafst ekki upp. Það munaði litlu að ég hefði misst stjórnina og sparkað í hann eða eitthvað álíka en ég sagði honum (ekki vinsamlegast) að ég hefði engan áhuga á að skipta og væri hundleið á öllu þessu Vodafone fólki sem væri alltaf að spyrja mig hvort ég væri hjá Símanum eða þeim. Haldið ykkur frá mér. Urrrr....

Held ég hafi ekkert meira að segja í augnablikinu, sjáumst á djamminu á morgun, það verða engar afsökunarbeiðnir teknar gildar!

Hasta luego